Aadivel Festival 2012 @ Sri Balakathirkamam, Nallur, Sri Lanka


Aadivel Festival

தீர்த்த உற்சவத்துக்கு மறுநாள் மூன்று தினங்கள் யாழ் வீதிகள் அனைத்தும் பவனி வருவதுண்டு. யாழ்ப்பாணத்தில் முக்கியத்துவம் வாய்ந்த பெருமைமிக்க ஆலயமாகிய நல்லை ஆதினம் வீரமாகாளியம்மன் கோவில் வண்ணார் வண்ணை சிவன் கோவில் வண்ணை நாச்சிமார் அம்மன் கோவில் கொக்குவில் மஞ்சவனப்பதி முருகன் கோவில் திருநெல்வேலி சிவகாமி அம்மன் கோவில் ஆகிய ஆலயங்களின் அனுசரணையுடன் இவ்விழா நடைபெறுகின்றது. இவ்வாலயங்கள் வேல்ரதம் தாpத்து நிற்கின்ற போது ஏராளமான மக்களுக்கு அன்னதானம் வழங்கி சேவை செய்கின்றனர். இச்செயற்பாடு அறநெறி தர்மநெறியைப் பாராட்டப்பட வேண்டிய விடயமாகும். ஆடிவேல் சுற்றுலாவின்போது முதலில் வேல் ஏந்திய ஊர்தி செல்ல அதன் பின் ஜராவதயானை பூரண கும்பம் ஏந்திச் செல்ல அதன் பின்னால் முருக பக்தன் இடும்பன் காவடியை ஏந்திவர அதனை அடுத்து முருகனின் படைவீரர்களாகிய நவவீரர்கள் வெற்றிப் பரவசத்தில் கொடிகள் ஏந்தி அணிவகுத்து வர அதனைத் தொடர்ந்து மங்கள வாத்தியம் போpகை பறை வானளாவி இசை எழுப்ப எம்பெருமான் பாலமுருகன் அழகிய ரதத்தில் ஏறிவர அழகிய காளை மாடுகள் புடைசூழ யாழ் நகாpல் பவனிவரும் காட்சி மெய்சிலிர்க்க வைக்கும் காட்சியாகும். மூன்றhம் நாள் சுற்றுலா பாலகதிர்காமத்தை நோக்கிவரும் போது இந்துப் பாரம்பாpய கலை கலாசார தமிழர் பண்பாட்டைப் பிரதிபலிக்கும் நிகழ்வாக காவடி கரகாட்டம் குதிரையாட்டம் மயிலாட்டம் கோலாட்டம் கம்படி சிலம்படி தீப்பந்த விளையாட்டுக்கள் வானவேடிக்கைகள் இன்னும் பல நிகழ்வுகளுடன் மின்சார அலங்காரங்களுடன் மிளிர வீதியனைத்தும் வாழை தோரணங்கள் பூரணகும்பம் வைத்து ஆயிரக்கணக்கான மக்கள் திரளாகப் புடைசூழ ஆலயத்தை வந்தடைவார். அதன் பின்பு பாலமுருகனுக்கு அபிஷேக ஆராதனைகள் நடைபெற்று ஆடிவேல் ரதபவனி பூர்த்தியடையும்.